Foto: Ellie Wijman

 

55 Johr Fastelovend

55 Johr dat gliche Steckenpäd

55 Johr deselve Fründe  met en paar Änderunge

55 Johr widderhollt Jetümmel unJewimmel

55 Johr Feste fiere zo ungerscheedlicheZigge

55 Johr herrlich Bekloppte, die opwunderbare Wies dat kölsche

    Brauchtum huh halde un fläge dun 

 

Ja leev Fraulückcher un Hääre,

huhjeaachte Ihrejäs un Besök

Leeven Präsident Ralf

Hallo Öhs

 

Ich möch üch all hätzlich bejröße.

Hück Ovend is mir, enem Ruudekircher Hungsfresser, de Ihr üvverdrage woode, he jet vun un üvver de 

LÖSTIGE ÖHS

Karnevalsgesellschaft Rondorf e. V.

zo verzälle.

Un zwar deswäge, weil die Öhs 55 Johr alt jewoode sin.

Dozu eesch ens minge hätzliche Glöckwunsch.

Ich soll also en Laudatio halde.

Ävver gläuvt nit, dat dat esu einfach wör.

Die Löstige Öhs sin medial jar nit esupräsent, wie ich mir dat gewünsch hädden.

Op neu kölsch, dot die doch ens joogelen.

Winnig, nix, en bessche, gar nix

Noh 3 Stund en ne Artikel, der 10 Johr ald wor, us däm Bilderbogen.

Un widder nix

Wat soll uns dat sage?

Wollen die nit en der Medienlandschaff präsent sin?

Dat kann ich mir üvverhaup nit vürstelle.

Denn die löstigen Öhs sin in unsere Altgemeinde zick 55 Johr immer do und dobei.

Wo vunn krige ich also Verzällcher unanderes üvver die ÖHS.

Na ja,  eine oder andere vun dene kenne ich och alt jet länger, un esu kom dann doch irgendjät bei mir an.

Dozo hingen drin mih.

 

 

För de Gründung vun der Karnevalsjesellschaf en Rondorf soße 9 Rondorfer Kääls beim Koch`se Adam em Schwalbeness am 25.03.1963 zusammeun han dat Ding jeritz.

Et wood en reine Männergesellschaff.

Däm vürus jejange wor  Wunsch, em Dörp d`r Karneval widder an et Levve zokrige.

Mer baue ene Wage un trecke domet durch Rondorf 

Jasaat, jedonn  unger däm Motto:

 

Rondorf erwache, wat es Kirmes ohne Kirmesplatz, wat es Fastelovend ohne Zoch

 

 

 

Un üre 1. Präsident Willi Schmitz

hät  Lück un de Dorfvereine dä Karneval schmackhaff jemaat, dat et noresu en Art wor.

 

Leeven Besök ehr hatt all dat Festheff vürüch lige.

Luurt ens do erin, do stonn de nackte Zahle met en paar Verklörunge.

Av un zo grife ich do drup zoröck

 

Jetzt befasse mer uns ens met d`r Nomensjebung vun  Rondorfer Karnevalsjesellschaff

 

Löstig es en klor tirekt Wood, wat jeder versteiht

 Mer welle fröhlich sin –

Un dat schaffen se ald zick 55 Johr.

ÖHS – wie soll mer dat verstonn ?

Süht mer dat em Zosammehang met der ländliche Präjung vun Rondorf,

dann kann mer nor sage:

Enen Ohs es en kräftig un stark Lävwese,

dat met Freud un ohne zo murre och dä schwerste Wöhl mäht,

 sich ävver och freut, wann hä ens op d`r Wigg tobe kann un darf.

 

 Dann luure mer ens zoröck:

De Öhs han klein anjefange. Us 3 woodten 9 un später üvver 100 Kääls.

Se sin immer wigger jewaachse.

 

Eets wor et nor 1 Fässche Kölsch un en Kleinigkeit zo müffele.

Em Lauf d`r Zick enstande dodrus legendäre Sommerfeste un

Oldietheken un Räuberbälle en alle Variante un dann och noch de Fastelovendssitzunge em Zelt om Kirmesplatz.

 

Do wood dann met anjepack un opjebautun jeschmück  merkt ehr, mer sin beim Wöhl  – un Bier jezapp un öschcher gebroode un vill andere Leckereie, wometse der Besök vun ihre Feste verwennt han.

 

 

Un he in däm Beritt muss ich bei  reine Männerjesellschaff ens sage:

 

Wat wören die Kääls ohne ehr Fraulück, die immer un üvverall methelfe.

 

Meine DAMEN IHR HABT MEINE größte HOCHACHTUNG

 

 

Un wenn se – de Öhs – dann op de Wigg dorfte  —  ehr erinnert üch an evens  —- dann entstunte dodrus wunderbare Spretztoure un Jesellschaffsfahrten.

 

Ich wor och ens bei ner Tour dobei.

2013 för 2 ½ Daach no Österreich an d`r Millstätter See.

Wie beklopp kann mer sin.

Ävver et wor ene Draum un einfach staats.

 

1973 wore de Öhs Gründungsmetglieder vum Festkomitee der Altjemeinde Ruudekirche.

 

1979 stellten die Löstige Öhe ehr eetstesDreijesteen en d`r Altjemeinde.

Bes hück sin et 8 Dreijesteene gewäs. De mietste üvverhaup en d`r Altjemeinde.

 

1985 es folgendes vürjefalle:

 

Am 11.11. wood dat sojenannte 3 Hans Dreijesteen wie immer beim Maassen vürjestellt.

3 Hans dewäge:

Hans-Willy Fahnenbruck

Hans-Willi Buchmüller

Hans Günther Thull

 

 

Em Aanschluss jing op de Kellerfete vum Karl-Heinz Borgis  

och legändär

 

Un se wollten ja ovends noch op de 11.em 11. Fier bei de Öhs.

 

Also vum Borgis nohm Buchmüller. Irjendswie sin se dohin jekumme.

Do stunt de Schwiegermutter ald för d`r Pooz un dät rofe:

 

 Eber hängk em Stall fes.  Eber hängk em Stall fes.

 

Also nix, zomindest vüreets nix met 11.11. bei de Öhs.

 

Ävver esu wie die Ochse halt sin.

De joot Klamotte erunder,

d`r Arbeitskittel aan un dann  Eber metd´r Flex freijeschnedde.

 

Zack fäädig un widder en de joot Klamotte jesprunge un ab no de Öhs.

 

1994 als unse Ralf em Dreijsteen wor, es foljende Bejebenheit passeert.

 

De zokünftige Jungfrau Wilhelmine – dat wor de Hans-Willi Buchmüller.

 

 hatte mer doch ald 1985 als Boor,

Däselve Kääl 2 mol en verschiedene Figure em Dreijesteen!

Hatte mer bes dohin noch nit, un och nitmieh bes hück.

 

Fing tirek an zo zicke. Et wollt singe Schnäuzer nit avrasiere.

Nor met vill Üvverredungskuns und nerganz leichten Betäubung kunnt dat Werk vollbracht weede.

 

Üvver Betäubunge vun der ein oder anderen Art un Wies künnte mer och verzälle.

 

Nun ja, de Öhs trecke hebei de humane Art un Wies vür, nämlich die durch en lecker Kölsch oder andere ähnlich wirkende äußere Einflüsse.

 

Un dat janze dan noch met huher Schlagzahl.

Lieber Rolf, darf ich et sage: De Öhs drinke us dem Emmer.

 

LECKER !!!

 

Ävver och he hört de Lobhudelei nit op.

Denn de Öhs sin prachtvolle Kääls, die vill verdrage un trotzdem nit us d´r Roll falle.

Mer muss et halt künne.

 

Die Öhs hatte nie en fes Vereinslokal.

 

Mer wollt et sich ja met keinem Weet versaue.

Se wore em Schwalbeness, beim Füssenich, em Treffpunkt.

 

Bis 1986 woodte de Sitzunge beim Füssenich jefiert.

 

Do wor et dann zo klein.

Em nächste Johr stunt dann zum eetsmolen Zelt op däm Kirmesplatz.

 

Nit zo verjesse es och noch de fast 30 jöhrige Präsidentschaff

vum Hans-Willi Buchmüller vun 1982 bes2011.

 

Un in der Zick, un de 15 Johr vürher hätkeiner jet opjeschrivve.

 

Un woröm wor dat esu:   Et jov nix wat wichtig jenoch wor, um et op et Papier zobränge.

Oder et es esu vill passeert, dat et sich keiner getraut hät jet opzeschrieve.

Ich tendiere zo däm eeste.

Do doot ehr mir doch zostimme Oder?

 

Em Johr 2007, also zom 44 jöhrige Bestonn, woot die berühmte schwere Präsidentekett anjeschaff.

Dä Name vun jedem Präsident – 6 woren et bisher – es do drop zo lese.

 

He wolle mer noch ens op  Anlass fördie Fier zoröckkumme:

 

55 jöhriges Jübiläum der 

Löstige Öhs Karnevalsgesellschaft Rondorf e.V.

 

En ming Auge, un ich denke ehr seht dat jenauso, mer kann et nit oft jenog sage,han die Metgleeder vun  Löstige Öhsüvver 55 Johr met ehrem Ensatz, met ehrer Fröhlichkeit, met ehrer Beharrlichkeit un met ehrer Freud he in d´r Altjemeinde dat Brauchtum huhjehalde, dä Frohsinn verbreitet un vor allem Fastelovend jefiert.

 

Sujet kann mer nur dann esu lang dun, wann mer dofür ensteiht.

Dat es nit emmer leich.

 Ald ens keine Fiduz, ich kann ävver nit, emmer dieslve 

FOTT DOMET han die Öhs jesaat un

wigger gemaat, dat alles klappen dät. Esu soll et sin!!!!!!!

Un wann mer de Öhs ens öm Hülf anjing, han nie  jesaat sondern sin emmer do.

Un dofür gratuliere ich nochens hätzlich zo ührem 55. Gebotsdaach.

 

Un leev Fraulück un Hääre,ich meine, dat es ens ene riesen Applaus wert.

 

Ich darf mich doför bedanke, dat ehr es uinteresseet zujehürt hat, un jetz wünsche ich uns all noch ene löstige Öhse Ovend 

Dankeschön un tschüss zosamme

Üre Joachim Schönenberg

(Vize-Präsident vom Festkomitee der Altgemeinde Rodenkirchen)